நாக. கணேசன்

முனைவர். நாக கணேசன் அவர்கள், தமிழ்நாடு அரசுத் தொல்லியல் துறையில் மண்டல உதவி இயக்குநர் – தொல்லியல் துணைக் கண்காணிப்பாளராகப் பணியாற்றி ஓய்வு பெற்றவர். பணி ஓய்வுக்குப் பின் இந்து சமய அறநிலையத் துறையில், தொல்லியல் வல்லுநர் குழு உறுப்பினராகப் பணியாற்றுகின்றார்.

அகழாய்வுப் பணிகள், கல்வெட்டுகளைப் படியெடுத்தல் மற்றும் படித்தல், நூலாக்கம் செய்தல் போன்ற பல பணிகளில் வல்லவர். அழகன்குளம், கரூர் நெடுங்கூர் போன்ற தொல்லியல் களங்களில் பணியாற்றி, சற்றேறக்குறைய 300 கல்வெட்டுகளைக் கண்டுபிடித்து ஆவணமாக்கம் செய்துள்ளார். செக்குக் கல்வெட்டுகள், வணிகக் குழு கல்வெட்டுகள், நடுகல் கல்வெட்டுகள், கண்மாய்க் கல்வெட்டுகள், கோயில் கல்வெட்டுகள், பாறைக் கல்வெட்டுகள், சமணப் படுகைகள், புத்தர் & சமணத் தீர்த்தங்கரர் சிற்பங்கள், செப்புப் பட்டயங்கள் பல, இவரின் கண்டெடுப்புகளுள் அடக்கம்.

தஞ்சை 8ஆம் உலகத் தமிழாராய்ச்சி மாநாடு, கோவை தமிழ்ச் செம்மொழி மாநாடுகளில் ஆய்வுக்கட்டுரை அளித்துள்ளார். செம்மொழி மாநாட்டில் இவர் தலைமையில் வடிவமைக்கப்பட்ட தொல்லியல் காட்சி அரங்கினை, அன்றைய தமிழ்நாடு முதலமைச்சர் மாண்புமிகு. கலைஞர். மு. கருணாநிதி அவர்கள் வெகுவாகப் பாராட்டியதோடு, கலைஞர் கரங்களால் சான்றிதழும் நினைவுப் பரிசும் நாக. கணேசன் பெற்றுள்ளார்.