உலகின் தொன்மை வாய்ந்த நாகரிகங்களாக இதுவரை எகிப்திய-சுமேரிய நாகரிகங்களே கருதப்பட்டு வந்தன. சிந்துவெளி நாகரிகம் கண்டறியப்பட்ட பின்னர், இந்த நாகரிகங்களுக்கிடையே நிலவியிருந்த வணிக உறவுகளும் பிறவும் வெளிச்சத்திற்கு வந்தன. சிந்துவெளி நாகரிகம், 'திராவிட நாகரிகம்' என்பதைத் தொல்லியல் அறிஞர்கள் உறுதிப்படுத்தினர்.

சிந்துவெளி நாகரிகம், ஆரியர்களால் அழிக்கப்பட்ட வரலாற்றை இக்கட்டுரை ஆராய்கின்றது. மேலும், தமிழ் நாட்டில் ஆதிச்ச நல்லூர், அரிக்கமேடு, வைகைக் கரையான கீழடி முதலான இடங்களில் நடைபெற்ற தொல்லியல் ஆய்வுகள், சிந்துவெளி நாகரிகத்தோடு தென்னாட்டு நாகரிகம் கொண்டிருந்த ஒப்புமையும், ஒற்றுமையும் ஆய்வாளர்களைப் பெரும் வியப்பில் ஆழ்த்தியுள்ளன.

இவை ஆறாயிரம் ஆண்டுகளுக்கு முற்பட்ட தொன்மையுடையன. இந்தியத் துணைக்கண்டம் முழுதும் திராவிட நாகரிகம் பரந்து விரிந்து ஆட்சி செலுத்தியது. காசுமீர் முதல் குமரி முனை வரை, திராவிடர்களின் நாகரிகம் வேரூன்றிச் சிறப்புக்குரியதாகத் திகழ்ந்தது. திராவிடர் பேசிய மொழி தமிழாகும். சோழர்களின் தலைநகராக விளங்கிய பூம்புகார் நாகரிகம், பன்னீராயிரம் ஆண்டுகளுக்கு முற்பட்டது என்பதை இப்போது ஆழ்கடல் ஆய்வு மெய்ப்பித்திருக்கிறது. இத்தகு சூழ்நிலையில், திராவிட நாகரிகமே உலகின் தொன்மை சான்ற நாகரிகம் என்பதை இக்கட்டுரை ஆராய்கின்றது.