இந்திய நாடு பல்வேறு இனங்கள், மொழிகள், சமயங்கள், கலாச்சாரங்கள், பழக்க வழக்கங்கள், பண்பாடுகள் என்று பன்முகத்தன்மையோடு ஒரு துணைக்கண்டம் என்ற அளவில் இருந்து வருகிறது. இதில் பெரும்பான்மையான மக்களைக் கொண்ட இந்து மதம் எனப்படும் மத அமைப்புக்குள்ளேயே பல வகையான சமயப் பிரிவுகள், சாதிகள், அவற்றிற்கென தனித்தனியான சடங்குகள், சம்பிரதாயங்கள் உள்ள நிலையில், பன்முகமான அவற்றையெல்லாம் புறக்கணிக்கும் வகையிலும், ஸநாதன கோட்பாடுகளைக் கொண்ட ஆரிய பண்பாட்டினை மட்டுமே நாட்டில் நிலைநிறுத்தும் நோக்கிலும், அதன் குறியீடான திருமணச் சடங்கு முறை தான் இந்து மதத்திற்கான பொதுவானது என்று உச்சநீதிமன்றம் அண்மையில் அறிவித்துள்ளது ஏற்புடையதன்று என்பதையும், நாட்டு மக்களிடையே திருமணச் சடங்குகள் என்பது நீதிமன்றம் வரையறுக்கும் குறிப்பிட்டவர்களின் நடைமுறைக்கு மாறாகப் பல்வறு வகைகளில் உள்ளன என்பதையும், குறிப்பாகத் தமிழர்களின் வரலாற்றில் திருமண நிகழ்வுகள் குறித்தும் அதில் நிகழ்ந்த மாற்றங்கள் குறித்தும், நடைமுறையில் உள்ள சட்டங்கள் மற்றும் நீதிமன்றத் தீர்ப்புகள் குறித்தும், எவ்வகைத் திருமணம் காலத்திற்கு ஏற்றது என்பதையும் இக்கட்டுரை விளக்குகிறது.