முதுபெரும் தமிழறிஞரும் எழுத்தாளருமான தாயம்மாள் அறவாணன், கொடைக்கானல் அன்னை தெரசா மகளிர் பல்கலைக்கழகத்தில் பணியாற்றி ஓய்வுபெற்றவர். 18க்கும் மேற்பட்ட நூல்களை எழுதியவர். பெண்ணியம் தொடர்பாகப் பல நூல்களை எழுதி மகளிர் பல்கலைக்கழகத்துக்குப் பெருமை சேர்த்து வருபவர். அறக்கட்டளைச் சொற்பொழிவுகள் நிகழ்த்தி வருபவருமாவார். மேலும் இவர் 'ஆதிமந்தி முதல் ஆண்டாள் வரை' உள்ள பெண்பாற் புலவர்கள் பற்றி ஆய்வு செய்து, பெண் புலவர் களஞ்சியமாக உருவாக்கியுள்ளார்.